Португалиялик ҳужумчи Криштиану Роналду 2023 йилдаги илк ўйинда “Ан-Наср”даги жамоадошларига омад тилади.
6 январь, жума куни “Ан-Наср” Саудия Арабистони чемпионати 12-тур учрашувида “Ал-Таи”га қарши баҳс олиб боради.
"Омад, жамоа", - деб ёзади португалиялик ижтимоий тармоқда.
37 ёшли португалияликнинг ўзи ўйин учун аризага киритилмаган. Ҳужумчи ҳозирча "Ан-Наср"да ўйнаш ҳуқуқига эга эмас, чунки жамоанинг қайдномасида хорижлик ўйинчилар лимитдан ошиб кетган.
Декабрь ойи охирида риёдликлар клуби Криштиану Роналду билан 2025 йилнинг июнигача шартнома имзолаганини эълон қилди.
