"Ливерпул"нинг етакчи ҳимоячиси Виржил ван Дейк АПЛ доирасида "Брентфорд"га қарши ўйинда жароҳат олди. Нидерландиялик футболчининг аҳволи ҳақида жамоа бош мураббийи Юрген Клопп фикр билдирди.
"Бу қисқа муддатли жароҳат эмас, аммо, мураббийлик фаолиятимда бошдан кечирган узоқ муддатли жароҳат ҳам эмас. Ван Дейк бир неча ҳафта майдонга туша олмайди", - деди Клопп клуб расмий сайтига.
7 январь куни "Ливерпуль" ўз майдонида "Вулверхэмптон"га қарши баҳс олиб боради. Учрашув Тошкент вақти билан 23:59да бошланади.