"Liverpul"ning yetakchi himoyachisi Virjil van Deyk APL doirasida "Brentford"ga qarshi o‘yinda jarohat oldi. Niderlandiyalik futbolchining ahvoli haqida jamoa bosh murabbiyi Yurgen Klopp fikr bildirdi.
"Bu qisqa muddatli jarohat emas, ammo, murabbiylik faoliyatimda boshdan kechirgan uzoq muddatli jarohat ham emas. Van Deyk bir necha hafta maydonga tusha olmaydi", - dedi Klopp klub rasmiy saytiga.
7 yanvar kuni "Liverpul" o‘z maydonida "Vulverxempton"ga qarshi bahs olib boradi. Uchrashuv Toshkent vaqti bilan 23:59da boshlanadi.