"Ювентус" бош мураббийи Массимилиано Аллегри "Удинезе" билан ўйин олдидан ўтказилган матбуот анжуманида кадрлар билан боғлиқ вазият ҳақида гапирди.
“Бизда Ди Мария қайта тикланди. Бремер бироз чарчаган. Алекс Сандро қайтиши керак, ҳаммаси жойида.
Менимча, Куадрадо бир ҳафтадан кейин жамоага қайтиши мумкин. Де Шильо, Влахович ва Погбалар ҳам тез орада жамоага қайтишади.
Кьеза? Уни асосий таркибда майдонга тушираманми ёки йўқми, билмайман, лекин унинг ҳолатидан жуда мамнунман, - деди Аллегри.
"Ювентус" 7 январь, шанба куни Италия чемпионати доирасида “Удинезе”ни қабул қилади. Учрашув Тошкент вақти билан 22:00 да бошланади.