"Yuventus" bosh murabbiyi Massimiliano Allegri "Udineze" bilan o‘yin oldidan o‘tkazilgan matbuot anjumanida kadrlar bilan bog‘liq vaziyat haqida gapirdi.
“Bizda Di Mariya qayta tiklandi. Bremer biroz charchagan. Aleks Sandro qaytishi kerak, hammasi joyida.
Menimcha, Kuadrado bir haftadan keyin jamoaga qaytishi mumkin. De Shilyo, Vlaxovich va Pogbalar ham tez orada jamoaga qaytishadi.
Kyeza? Uni asosiy tarkibda maydonga tushiramanmi yoki yo‘qmi, bilmayman, lekin uning holatidan juda mamnunman, - dedi Allegri.
"Yuventus" 7 yanvar, shanba kuni Italiya chempionati doirasida “Udineze”ni qabul qiladi. Uchrashuv Toshkent vaqti bilan 22:00 da boshlanadi.