"Вильярреал" дарвозабони Херонимо Рульи "Аякс"га ўтди, деб хабар беради Нидерландия клуби сайти.
30 ёшли аргентиналик футболчи билан шартнома 2026 йилнинг ёзига қадар мўлжалланган.
Испания матбуоти хабарига кўра, келишув 8 миллион еврони ташкил қилган. Яна икки миллионгача "Вильярреал" бонус сифатида олиши мумкин.
Рульи жорий мавсумда Ла Лигада 14 та ўйинда майдонга тушиб, 10 та гол ўтказиб юборган ва 7 та ўйинда ўз дарвозаси дахлсизлигини сақлаб қолган.
Аргентина терма жамоаси таркибида Рульи Қатардаги турнирда бирорта ҳам ўйин ўтказмаган бўлса-да, жаҳон чемпиони бўлди.