Ҳужумчи Криштиану Роналду Саудия Арабистони чемпионатида 2022/23 йилги мавсум учун “Ан-Наср” жамоаси таркибига киритилди.
Журналист Руди Галеттининг ёзишича, хорижлик футболчилар билан боғлиқ чеклов туфайли клуб 37 ёшли португалияликни таркибга жалб қилиш учун ижарага бериладиган ҳужумчи Венсан Абубакардан воз кечишга мажбур бўлган.
6 январь, жума куни Роналду “Ан-Наср”нинг 2023 йилдаги илк ўйинини ўтказиб юборди. Усиз жамоа Саудия Арабистони чемпионатининг 12-тури доирасидаги ўйинда “Ал-Таи”ни мағлуб этди (2:0).
Португалиялик футболчи шу йил бошида риёдликлар сафига кўчиб ўтганди. У 2025 йилнинг ёзига қадар шартнома имзолади.
