"РБ Лейпциг" ҳимоячиси Йошко Гвардиол болалигиданоқ ўйнашни орзу қилган жамоа номини айтди. Маълум бўлишича, хорватиялик "Ливерпул"нинг азалий мухлиси ҳисобланади.
"Қайси жамоада ўйнашни хоҳлардим? Мен албатта "Ливерпул"ни танлаган бўлардим. Кичкиналигимда отам билан доим уларнинг ўйинларини томоша қилардим. Бу менинг юрагимда сақланиб қолган клуб”, - дея Гвардиолнинг сўзларини келтиради журналист Фабрицио Романо.
Эслатиб ўтамиз, “Ливерпуль” ҳозирча Гвардиолга қизиқиш билдирмаяпти, чунки 20 ёшли ҳимоячининг нархи келаси ёзда 100 миллион евродан ошади. Хорват учун “Челси”, “Реал” ва “Манчестер Сити” клублари кураш олиб боради.
