"РБ Лейпциг" спорт директори Макс Эберл клуб Хорватия терма жамоаси учун жаҳон чемпионатидаги муваффақиятли ўйинларидан сўнг ўз нархини сезиларли даражада оширган марказий ҳимоячи Йошко Гвардиолни сотишга шошилмаётганини аниқ айтди.
"Гвардиол ёзда шартномани узайтиргани туфайли, биз ҳозир вазиятни тўлиқ назорат қиламиз. Клуб ақл бовар қилмайдиган ишни амалга оширди. Биз Гвардиолни ёзда сотишдан манфаатдор эмасмиз", - дея Эберлдан иқтибос келтиради италиялик журналист Фабрицио Романо.
Келаси ёзда 20 ёшли Гвардиол учун камида учта клуб курашади: “Манчестер Сити”, “Реал” ва Лондоннинг “Челси”си. Трансфер нархи 100 миллион евродан ошиши мумкин ва бу хорватияликни тарихдаги энг қиммат ҳимоячига айлантиради.
