"Челси"нинг франциялик ярим ҳимоячиси Н'Голо Канте "аристократлар" билан шартномасини 2026 йилгача узайтириши мумкин. Бу ҳақда таниқли италиялик журналист Николо Скира хабар тарқатмоқда.

Манбага кўра, "Челси" ўз ярим ҳимоячиси билан янги шартнома борасида музокараларни давом эттирмоқда. Кантенинг Лондон клуби билан амалдаги шартномаси 2023 йилнинг июнь ойи охирида тугайди.

31 ёшли франциялик футболчи 2016 йилдан буён "Челси"да ўйнамоқда. Умуман олганда, Канте "кўклар" сафида 262 та ўйин ўтказиб, 13 та гол урди ва 15 та голли узатмани амалга оширди. "Челси" таркибида футболчи 2017 йилда Англия чемпиони бўлди, мамлакат кубоги (2018), Европа лигаси (2019), Чемпионлар лигаси (2021) ва клублар ўртасидаги жаҳон чемпионати (2022) ғолиби бўлди.