Франция терма жамоаси бош мураббийи Дидье Дешам Франция футбол федерацияси (FFF) билан шартномани 2026 йилгача узайтириши ҳақида фикр билдирди.
"Биз шартномани узайтиришга келишиб олдик. Мен FFF президентидан миннатдорман. Қатарда биз хоҳлаган нарсага – жаҳон чемпионлигига эришишга яқин эдик. Кўп ижобий томонлар бор эди. Мен жамоанинг барча ходимларига раҳмат айтмоқчиман. Францияга қайтиб келганимда, бу жаҳон чемпионати қандай ҳис-туйғуларни уйғотиши мумкинлигини англадим. Кўп иштиёқ ва қўллаб-қувватлаш бор эди. Франция терма жамоаси учун энг юқори халқаро даражада ҳамма нарсани қилишимга ишонишингиз мумкин", - деди Дешам L'Equipe билан суҳбатда.
Эслатиб ўтамиз, Қатарда бўлиб ўтган ЖЧ-2022 финалида Франция терма жамоаси Аргентина терма жамоасига имкониятни бой берганди (3:3, пенальтилар сериясида 2:4).
