"Ливерпуль" бош мураббийи Юрген Клопп "Вулверхэмптон"га қарши бўлиб ўтадиган Англия кубоги 3-тур учрашуви ҳақида гапирди. Учрашув бугун тунда бўлиб ўтади. Ўйин Тошкент вақти билан 01:00да бошланади.
"Бугун бизни янги мураббий қўл остида сезиларли яхшиланишни кўрсатаётган рақибга қарши яна бир қийин ўйин кутиб турибди. Хулен Лопетеги жуда тажрибали мураббий.
Мен Хуленни "Энфилд"га ташриф буюриши билан қутлайман ва унга инглиз футболидаги ўз фаолиятини давом эттириши учун энг яхши тилакларимни тилайман, бу тажрибани мен бир неча йил аввал Премьер-лигага келганимдан бери яхши биламан. Албатта, мен Хуленнинг ёрдамчиларини, шунингдек, “бўрилар” футболчилари, раҳбарияти ва тарафдорларини ҳам табриклайман.
Ўтган май ойида "Уэмбли" стадионида ғалаба қозонганимиздан бери Англия кубогида биринчи марта ўйнадик. Ўша куннинг хотиралари бизда абадий қолади, аммо энди биз янги хотираларни яратмоқчимиз. Футболдаги барчага маълумки, Англия кубоги жуда ўзига хос мусобақадир. Бошқа барча иштирокчилар каби биз ҳам имкон қадар узоққа боришни хоҳлаймиз, шунинг учун ҳаракат қилайлик", - деди Клопп "Ливерпуль" расмий сайтига.
