"Liverpul" bosh murabbiyi Yurgen Klopp "Vulverxempton"ga qarshi bo‘lib o‘tadigan Angliya kubogi 3-tur uchrashuvi haqida gapirdi. Uchrashuv bugun tunda bo‘lib o‘tadi. O‘yin Toshkent vaqti bilan 01:00da boshlanadi.

"Bugun bizni yangi murabbiy qo‘l ostida sezilarli yaxshilanishni ko‘rsatayotgan raqibga qarshi yana bir qiyin o‘yin kutib turibdi. Xulen Lopetegi juda tajribali murabbiy.

Men Xulenni "Enfild"ga tashrif buyurishi bilan qutlayman va unga ingliz futbolidagi o‘z faoliyatini davom ettirishi uchun eng yaxshi tilaklarimni tilayman, bu tajribani men bir necha yil avval Premyer-ligaga kelganimdan beri yaxshi bilaman. Albatta, men Xulenning yordamchilarini, shuningdek, “bo‘rilar” futbolchilari, rahbariyati va tarafdorlarini ham tabriklayman.

O‘tgan may oyida "Uembli" stadionida g‘alaba qozonganimizdan beri Angliya kubogida birinchi marta o‘ynadik. O‘sha kunning xotiralari bizda abadiy qoladi, ammo endi biz yangi xotiralarni yaratmoqchimiz. Futboldagi barchaga ma’lumki, Angliya kubogi juda o‘ziga xos musobaqadir. Boshqa barcha ishtirokchilar kabi biz ham imkon qadar uzoqqa borishni xohlaymiz, shuning uchun harakat qilaylik", - dedi Klopp "Liverpul" rasmiy saytiga.