"Барселона" бош мураббийи Хави ярим ҳимоячи Серхио Бускетснинг испан жамоаси таркибидаги келажаги ҳақида гапирди.
“Бускетснинг келажаги? Бу кўп жиҳатдан молиявий фейр-плей қоидаларига боғлиқ бўлади. Умид қиламанки, мавсум охиригача у яхши ўйин кўрсатади. Серхио бизнинг сардоримиз, унинг шартномаси якунланишига ҳали олти ой бор", - деди Хави.
34 ёшли испаниялик футболчи 2008 йилнинг июль ойидан буён "Барселона"да тўп суради. У испан клуби сафида жами 698 та ўйин ўтказиб, 18 та гол урган ва 42 та голли узатмани амалга оширган. Унинг шартномаси 2023 йилнинг июнигача амал қилади.
