Мюнхеннинг "Бавария" клуби спорт директори Ҳасан Салихамиджич клуб ҳимоячи Бенжамин Паварни жамоада сақлаб қолиш ниятида эканини айтди.
"Биз Павар билан янги шартнома борасида музокара олиб борамиз, чунки Бенжамин биз учун жуда муҳим футболчи ва у учун ҳали катта режаларимиз бор. У менга “Бавария”да ўзини жуда қулай ҳис қилишини айтди”, — деб Салихамиджичнинг сўзларини келтирган Twitter'даги MiaSanMia канали.
Бенжамин Павар 2019 йилдан бери "Бавария"да тўп суради. Ҳимоячининг клуб билан амалдаги шартномаси 2024 йилнинг ёзига қадар мўлжалланган. Жорий мавсумда франциялик футболчи Германия чемпионатининг 13та ўйинида қатнашиб, битта гол урган.
