"Барселона" бош мураббийи Хави Эрнандес "Атлетико"га қарши Ла Лиганинг муҳим ўйинидаги режалари билан ўртоқлашди.
Учрашув 8 январь куни Мадридда бўлиб ўтади. "Барселона" ҳужумчиси ва Испания чемпионати тўпурари Роберт Левандовски ўйинда иштирок эта олмайди - ҳужумчи дисквалификация туфайли Ла Лиганинг навбатдаги учта ўйинини ўтказиб юборади.
“Биз мослашяпмиз. Бизда Ферран Торрес ва Ансу Фати бор, улар тўпдан ташқарида яхши ишлайдиган ва жамоадошлар учун жой ярата оладиган мобил ҳужумчилардир. Иккала футболчи ҳам ҳужумда Робертнинг ўрнини эгаллаши мумкин, Депай ҳам у ерда ўйнаши мумкин", - дея Хавининг сўзларини келтиради ТМW.
