"Интер" А серияда "Монца" устидан ғалаба қозона олмади.

Учрашув 2:2 ҳисобида якунланди. Нерадзуррилар 93-дақиқагача олдинда бўлишди, аммо якунда гол ўтказиб юборишди ва икки очко йўқотишди.

Ҳакам Франческо Ачербининг кўплаб баҳс-мунозараларга сабаб бўлган голини ҳисобга олмади ва "Интер" мураббийи Симоне Индзаги вазиятни қуйидагича изоҳлади: "Жуда жаҳлим чиқди, чунки яққол хато ҳамма нарсани ҳал қилди. ВАР беш йилдан бери қўлланилмоқда, аммо бундай ҳолатлар ҳамон учраб туради.

Такрорий вазиятда "Монца" футболчиси шериги билан тўқнашиб кетгани аниқ бўлди, шунинг учун гол ҳисобланиши керак эди, аммо ҳакам ВАР ёрдамига мурожаат қилмади, чунки у ўйинни муддатидан олдин тўхтатди", - дея шикоят қилди мураббий.