Роберто Мартинес Португалия терма жамоасининг янги бош мураббийига айланди. Душанба кунги илк матбуот анжуманида бельгиялик мутахассис Криштиану Роналдунинг халқаро миқёсдаги келажаги ҳақида гапирди.
"Роналду Португалия терма жамоасида ўйнаган йиллар давомида ҳурмат қозонди. Жаҳон чемпионати учун қайдномада бўлган барча ўйинчилар каби мен у билан ҳам суҳбатлашаман" -, деди Мартинес журналистларга.
Эслатиб ўтамиз, Криштиану Роналду Европа футболини тарк этганди. Португалиялик ҳужумчи Саудия Арабистонининг “Ан-Наср” клуби билан икки ярим йиллик шартнома имзолади.
