Португалия терма жамоасининг янги бош мураббийи Роберто Мартинес янги жойдаги тактика ҳақида гапирди.
“Мен тактик схемаларга ишонмайман. Мен футболчиларга, одамларга ва истеъдодга ишонаман. Тизимга мослашган ўйинчилар эмас, балки ҳар бир ўйинчидан максимал даражада фойдаланиш учун тактик жиҳатдан мослашувчан бўлиши керак. Португалия доимо ғалаба қозонишга интилиши керак ва бунинг учун биз тактик жиҳатдан мослашувчан замонавий жамоа бўлишимиз керак", - деди испаниялик мутахассис ўзининг биринчи матбуот анжуманида.
Шунингдек, Мартинес ҳар бир мақсад сари босқичма-босқич боришини таъкидлаб, португал тилини имкон қадар тезроқ ўрганиш истаги ҳақида гапирди.