Portugaliya terma jamoasining yangi bosh murabbiyi Roberto Martines yangi joydagi taktika haqida gapirdi.
“Men taktik sxemalarga ishonmayman. Men futbolchilarga, odamlarga va iste’dodga ishonaman. Tizimga moslashgan o‘yinchilar emas, balki har bir o‘yinchidan maksimal darajada foydalanish uchun taktik jihatdan moslashuvchan bo‘lishi kerak. Portugaliya doimo g‘alaba qozonishga intilishi kerak va buning uchun biz taktik jihatdan moslashuvchan zamonaviy jamoa bo‘lishimiz kerak", - dedi ispaniyalik mutaxassis o‘zining birinchi matbuot anjumanida.
Shuningdek, Martines har bir maqsad sari bosqichma-bosqich borishini ta’kidlab, portugal tilini imkon qadar tezroq o‘rganish istagi haqida gapirdi.
