"Манчестер Сити" ярим ҳимоячиси Бернарду Сильва "Арсенал"нинг жорий мавсумдаги ўйинидан ажабланмаганини айтди.
Эслатиб ўтамиз, "канонирлар" "шаҳарликлар"дан 5 очко фарқи билан АПЛ турнир жадвалида ҳамон пешқадамлик қилмоқда.
"Биз "Арсенал" бу мавсумда катта сакрашга эриша олишини билардик. Бу жамоада ажойиб мураббий ва ғалаба қозонишга интилаётган кўплаб ёш футболчилар бор. Уларнинг ўйинлари мени ҳайратда қолдирмади. Кўрамиз, мавсум охирида нима бўлади", - деди Сильва Manchester Evening News билан суҳбатда.
"Арсенал" АПЛнинг навбатдаги турида "Тоттенхэм"га қарши баҳс олиб боради. "Манчестер Сити"ни эса "Манчестер Юнайтед" билан принципиал ўйин кутмоқда.
