"Барселона" "Атлетико Мадрид"га қарши қийин ўйин ўтказди. Каталонияликлар рақибни минимал 1:0 ҳисобида мағлуб этишди.
Учрашувнинг охирида Торреснинг четлатилиши ғалаба соясида қолиб кетди. Ферран Савич билан жанжаллашиб кетди, бунинг учун ҳар икки футболчи майдондан четлатилди.
Ярим ҳимоячининг ўзини яхши тутмаслиги Хавига жиддий муаммо туғдиради.
Мутлақо фойдасиз жойдаги кураш ва қизил карточка Ферраннинг бир неча ўйинга дисквалификация қилинишига олиб келади. Роберт Левандовски "Осасуна"га қарши ўйинда ҳакам учун "ширали" сўзлар айтгани учун 3 та ўйинга дисквалификация қилинган бўлса, Торрес 12 та ўйингача четлатилиши мумкин. Хавида энди ҳужум чизиғида биргина қулай вариант қолади - Ансу Фати.
Хавининг ўзи Ансу ва Ферран Левандовскининг ўрнини эгаллашини айтганди. Энди Торрес жамоага ёрдам бера олмайди, аниқки, Фати маъсулиятни ўз бўйнига олиши керак. Хави шунингдек Мемфисдан ҳам фойдаланиши мумкин, аммо мураббийнинг сўзларига кўра, нидерландиялик варианти ҳозирда унчалик маъқул эмас.
"Блауграна" Ла Лигадаги навбатдаги иккита ўйинини "Реал Бетис" ва "Хетафе"га қарши ўтказади.
