"ПСЖ"га эгалик қилувчи Qatar Sports Investment (QSI) "Ливерпуль" ёки "Манчестер Юнайтед"ни сотиб олишни ўйламоқда, деб хабар беради Bloomberg.
QSI ушбу клублардан бирининг тўлиқ улушини ёки маълум улушини сотиб олмоқчи. Компания инглиз клубларидан бирига сармоя киритмоқчи ва ҳозирда вариантларни кўриб чиқмоқда.
8 январь куни QSI "Тоттенхэм" раҳбари Даниэл Леви билан музокара ўтказгани ҳақида хабар берилганди. Компания 2022 йилда Қатарда бўлиб ўтган футбол бўйича жаҳон чемпионатидан сўнг Премьер-лига клубларидан бирига сармоя киритишга қарор қилди. QSI потенциал келишув Қатарнинг жаҳон спортидаги нуфузини яхшилашга ёрдам беради, деб ҳисоблайди.
УЕФА қоидаларига кўра, эгаси бир хил бўлган иккита клуб бир хил эврокубокларда ўйнай олмайди, бироқ бизнесмен ёки компания бир жамоада асосий, бошқасида эса камроқ улушга эга бўлса, регламент буни тақиқламайди.
