Айни дамда "Ювентус" Алекс Сандро билан шартномани узайтирмоқчи эмас. Бироқ 31 ёшли бразилиялик футболчининг шартномаси автоматик тарзда узайтирилиши ва уни яна бир мавсум жамоада сақлаб қолиши мумкин.
Calciomercato нашри хабарига кўра, агар спортдаги маълум мақсадларга эришилса, Алекс Сандронинг шартномаси бир йилга автоматик тарзда узайтирилади. Шу билан бирга, бразилиялик футболчининг маоши ўзгаришсиз қолади - йилига 6 миллион евро ва бонуслар.
Алекс Сандро "Ювентус"да етти ярим йилдан бери ўйнаб келмоқда. Бу вақт ичида бразилиялик футболчи 290 та ўйин ўтказиб, 15 та гол урган ва 32 та голли узатмани амалга оширган.
