Бир пайтлар Италияда "Фиорентина", "Рома" ва "Интер" клубларида тўп сурган Габриэль Батистута А Сериянинг жорий мавсуми ҳақида гапирди.
"Ўйлашимча, "Наполи" чемпион бўлади. Мен уларни қўллаб-қувватлайман, чунки улар бунга лойиқ деб ўйлайман. Улар етти-саккиз йил давомида чемпионликни қўлга киритишга ҳаракат қилишди. Улар яқин келди, лекин муваффақиятга эриша олмаганди. Бу мавсумда уларнинг ўзларига бўлган ишончлари ортганини кўряпман. Бу жуда муҳим", - деди Батистута DAZN нашрига берган интервьюсида.
Айни дамда "Наполи" Италия чемпионати турнир жадвалида пешқадамлик қилмоқда. Лучано Спалетти шогирдлари "Ювентус" ва "Милан"дан 7 очко олдинда.
