"ПСЖ"нинг собиқ ярим ҳимоячиси Хавьер Пасторе "Қатар" клуби билан шартнома имзолади, деб хабар бермоқда клуб матбуот хизмати ижтимоий тармоқдаги саҳифасида.
Аргентиналик футболчи "Қатар" клубига Испаниянинг "Эльче" клубидан кўчиб ўтди. Келишув тафсилотлари ошкор этилмаган. Пасторе "Қатар" клубида еттинчи рақам остида ўйнайди.
Эслатиб ўтамиз, Пасторе 2011 йилдан 2018 йилгача "ПСЖ"да ўйнаган. Француз клуби таркибида аргентиналик ярим ҳимоячи беш марта Франция чемпиони бўлди, шунингдек, беш марта мамлакат Суперкубоги ва Франция Лига кубогини қўлга киритди. 2018 йилда Пасторе "Рома"га кўчиб ўтди ва уч йилдан сўнг “Эльче”га ўтди. Жорий мавсумда 33 ёшли ярим ҳимоячи атиги битта учрашувда иштирок этди. 2010-2017 йилларда Пасторе Аргентина терма жамоасига чақирилган.
