"Реал" "Бавария" ҳимоячиси Бенжамин Паварни ўз сафига қўшиб олишга қарши эмас, у аввалроқ келаси ёзда клубини ўзгартириш истагини билдирган. Журналист Флориан Плеттенбергнинг ёзишича, “Қироллик клуби” сўнгги кунларда франциялик ҳимоячига қизиқиш билдирган.
Эслатиб ўтамиз, аввалроқ Павар хизматига “Барселона” ҳам қизиқиш билдираётган эди. Футболчининг ўзи марказий ҳимоячи позициясида ўйнаши кафолатланган жамоага ўтишни афзал кўради.
Паварнинг Юлиан Нагелсманн жамоаси билан шартномаси келаси мавсум охирида тугайди. Олдинроқ "Бавария" спорт директори Хасан Салихамиджич франциялик футболчи клуб билан шартномасини узайтиришини инкор этмаганди.
