"Арсенал" клуби ва Голландия терма жамоасининг 29 ёшли ҳужумчиси Робин ван Перси ўз термасининг Евро-2012даги муваффаққиятсизлигидан тушкунликка тушгани йўқ.
"Мен Голландия термаси сафида фаолиятимни якунлаш ҳақида ўйлаётганим йўқ. Евро-2012? Йўқ, мен Европа чемпионатидаги муваффаққиятсизликдан тушкунликка тушганим йўқ. Мутлақо.
Энди бизнинг мақсадимиз - Жаҳон чемпионатига чиқиш. Олдинда Туркия ва Венгрия билан рақобат кутиб турибди. Бу рақиблар ҳеч қачон оддий бўлмаган. Бизни катта синов кутиб турибди", - дея ҳужумчининг сўзларини келтиради голланд матбуоти.