"Челси" ярим ҳимоячиси Матео Ковачичнинг "Ювентус"га ўтиши ҳақида миш-мишлар давом этмоқда. Calciomercatoweb хабарига кўра, Турин клуби хорватиялик футболчини келаси ёзда сотиб олишни кутмоқда.
“Кекса синьора” 28 ёшли футболчининг Лондондаги амалдаги шартномаси 2024 йилнинг июн ойи охирида якунланишини ҳисобга олиб, Ковачични арзон нархда сотиб олмоқчи.
Матео Ковачич 2018 йилнинг ёзидан буён "Челси"да ўйнамоқда. Ўшандан бери хорват клуб сафида 204 та ўйин ўтказиб, 5 та гол урган ва 14 та голли узатмани ҳамкорларига берган.













