"Эвертон" хўжайини Фарҳод Мошири бош мураббий Фрэнк Лэмпардни қўллаб-қувватлашини билдирди.
“Мен нафақат мураббийимиз, балки спорт директоримиз ва раҳбариятимиз томонидан ҳам амалга оширилаётган ишларга ишонаман. Бу ишончим амалга оширилаётган ишнинг чуқурлиги ва сифати ҳақидаги билимларимга асосланади.
Лигадаги ҳозирги мавқеимизни яхшилаш кераклиги ва бундан кейин ҳам яхшиланишига барчамиз розимиз. Мен ҳам, клуб ҳам, мухлислар ҳам "Эвертон"ни яхшилашга эътибор қаратмоқдамиз ва биз олдинга интилишимиз мумкинлигига аминман", - деди мерсисайдликлар президенти.
АПЛнинг 19-турида “Брайтон”дан мағлуб бўлган (1:4) “Эвертон” ғалабасиз сериясини 7 ўйинга етказди. "Ирислар" Премьер-лигада 18 ўйиндан кейин 15 очко билан 17-ўринда бормоқда.
