«Бавария» Роберт Левандовски ўрнига тузукроқ ўйинчи сотиб олмаслик хато эканлигини англаб етган кўринади. Мюнхен клуби мунтазам равишда марказий ҳужумчи қидираётганлиги ҳақида миш-мишлар юрибди. «Тоттенхэм» аъзоси Харри Кейн трансфери қийинроқ бўлгани учун клуб бошқа вариантларни ўрганишга мажбур.
«Ювентус» ҳужумчиси Душан Влахович «Бавария» нишонига тушган, дея хабар беради TuttoJuve. Шу билан бирга, 22 ёшли сербнинг ёзги трансфери мюнхенликларга қимматга тушиши қайд этилган - футболчининг нархи 110 миллион еврога баҳоланмоқда.
Душан Влахович деярли бир йилдан бери «Ювентус»да ўйнамоқда. Бу вақт ичида серб 36 ўйин ўтказиб, 16 та гол урган.
