Жоэлинтон "Ньюкасл"нинг кейинги ўйинини ўтказиб юбориши мумкин.
Бош мураббий Эдди Хау бразилиялик футболчи маст ҳолда машина ҳайдагани учун ҳибсга олинганидан сўнг, футболчини АПЛ доирасида "Фулхэм"га қарши ўйин учун таркибга қўшиш-қўшмаслигига ишончи комил эмас.
“Бу катта зарба. Қийин вазият. Жо жуда пушаймон. У жуда хафа эди. Вазиятнинг жиддийлигини тушунади.
Мен ишни ҳурмат қилганим учун тафсилотларга тўхтала олмайман, лекин менимча, у ўз масъулиятини тушунади. Биз футболчини қўллаб-қувватлаймиз, аммо футбол клуби сифатида вазиятнинг жиддийлигини ҳам тушунамиз”, деди Хау.
Ярим ҳимоячи АПЛнинг 16 ўйинида 2 та гол урди ва битта голли узатмани амалга оширди.
