Joelinton "Nyukasl"ning keyingi o‘yinini o‘tkazib yuborishi mumkin.

Bosh murabbiy Eddi Xau braziliyalik futbolchi mast holda mashina haydagani uchun hibsga olinganidan so‘ng, futbolchini APL doirasida "Fulxem"ga qarshi o‘yin uchun tarkibga qo‘shish-qo‘shmasligiga ishonchi komil emas.

“Bu katta zarba. Qiyin vaziyat. Jo juda pushaymon. U juda xafa edi. Vaziyatning jiddiyligini tushunadi.

Men ishni hurmat qilganim uchun tafsilotlarga to‘xtala olmayman, lekin menimcha, u o‘z mas’uliyatini tushunadi. Biz futbolchini qo‘llab-quvvatlaymiz, ammo futbol klubi sifatida vaziyatning jiddiyligini ham tushunamiz”, dedi Xau.

Yarim himoyachi APLning 16 o‘yinida 2 ta gol urdi va bitta golli uzatmani amalga oshirdi.