"Наполи" ярим ҳимоячиси Хвича Кварацхелия Италия чемпионатининг 18-тури доирасида бўлиб ўтган "Наполи"га қарши ўйинда энг яхши футболчилардан бири бўлди.

Учрашувни асосий таркибда бошлаган грузиялик футболчи 87-дақиқада захирага олинди. У қуйидаги кўрсаткичлар бўйича ўйинда энг яхши бўлди:

— зарбалар (5);
— муваффақиятли алдаб ўтишлар (4);
— рақиб жарима майдони ичида тўпга тегиниш (8).

Шунингдек, Хвича учрашувда битта гол урди ва 2 та голга ассистентлик қилди. Бундан ташқари, 21 ёшли футболчи баҳснинг 14-дақиқасида акробатик услубда зарба берди. Дарвозабон қайтарган тўпни Осимхен дарвозага йўллаганини инобатга олсак, бу голдаги ассистни ҳам унинг номига ёзсак бўлади.

Кварацхелия А сериянинг жорий мавсумида 15та ўйинда иштирок этиб, ўз ҳисобига 7 гол ва 7 ассист ёзиб қўйди. "Гол+пас" тизими бўйича фақат Виктор Осимхен ундан яхшироқ натижа қайд этмоқда — 15 (12+3).