"Реал" ҳужумчиси Карим Бензема "Ан-Наср" ҳужумчиси Криштиану Роналду билан муносабатлари ҳақида гапирди.
“Менимча, Криштиану Роналду Саудия Арабистонида бахтли. Умид қиламанки, у гол уришда давом этади ва қатъиятли бўлади. У бизнинг машғулотларимизда қатнашди, лекин дўст эканлигимизни кўрсатиш учун бизга фотосурат керак эмас. Бизга ижтимоий тармоқлар ва шунга ўхшаш нарсалар керак эмас. У ўша ерда бўлса ҳам, у билан саломлашишга улгурмадим. Умид қиламанки, эртага уни кўраман ва гаплаша оламан", - дея франциялик футболчининг сўзларини келтиради Marca.
13 январь, жума куни Роналду Саудия Арабистонидаги “Ан-Наср” стадионида бўлиб ўтган “Реал Мадрид” машғулотларида иштирок этди. 37 ёшли португалиялик ва унинг жамоасининг бошқа футболчилари Мадрид клуби машғулотларини захира ўриндиғидан туриб кузатишди.
Декабрь ойи охирида Роналду “Ан-Наср” билан 2,5 йиллик шартнома имзолади.
