Украина терма жамоаси ва “Шахтёр”нинг ҳужумкор ярим ҳимоячиси Михайло Мудрик бугун, 15 январ куни “Челси”га трансферни ташкил қилиш учун Лондонга келади. Бу ҳақда Sky Sports хабар бермоқда.
22 ёшли футболчи тиббий кўрикдан ўтади ва "аристократлар" билан узоқ муддатли меҳнат шартномасини тузади. Томонлар ўртасидаги шартнома 2030 йилнинг ёзига қадар ҳисоблаб чиқилади. Мудрикнинг маоши йилига 7,5 миллион еврони ташкил қилади. Ярим ҳимоячининг трансфери “Челси”га 100 миллион еврога тушади.
Жорий мавсумда Михайло “Шахтёр” сафида 18 та ўйинда қатнашиб, 10 та гол урди ва 8 та голли узатмани амалга оширди.