"Тоттенхэм" устози Антонио Конте "Арсенал"ни АПЛ чемпионлигини қўлга киритиш учун фаворит мақомини сақлаб қолиш осон бўлмаслиги ҳақида огоҳлантирди.
Якшанба куни "Арсенал" "Тоттенхэм"га қарши ўйнайди.
"Сиз лиганинг энг юқори поғонасида бўлганингизда, рақибларингиз ҳақидаги тасаввур бутунлай ўзгаради. Ўша пайтда сиз лиганинг энг яхши жамоасисиз ва шунинг учун ҳамма сизни мағлуб этишни хоҳлайди. "Арсенал" шубҳасиз, лигада ғалаба қозониш учун фаворит сифатида бунга дуч келади. Улар бу вазиятни ҳал қила олишларини кўрсатишлари керак.
"Арсенал" жуда яхши ўйин кўрсатмоқда. Энди улар мавсум охиригача юқори поғонада қолишларини кўрсатишлари керак. Ишончим комилки, "Манчестер Сити" бунга чидамайди ва яна чемпионлик учун ҳақиқий имкониятни ҳис қилади, айниқса "Ливерпуль", "Челси" ва "Манчестер Юнайтед" каби кўп очко йўқотганда. Бу "Арсенал" ва "Манчестер Сити" ўртасидаги жанг бўлади" - деди Конте The Guardian билан суҳбатда.