"Арсенал" устози Микель Артета Михаил Мудрикнинг муваффақиятсиз трансфери ҳақида ўз фикрини айтди.
22 ёшли "Шахтёр" вингери, хабар қилинганидек, "Арсенал"га ўтишга яқин эди, аммо Лондоннинг бошқа клуби "Челси"га ўтди. Якшанба куни келишув расман тасдиқланди.
"Тоттенхэм" устидан қозонилган ғалабадан сўнг журналистлар Артетадан бу борадаги фикрлари билан ўртоқлашишни сўрашди.
"Биз таркибни кучайтирмоқчимиз, лекин мен ҳозирда жамоамдаги футболчилардан жуда хурсандман. Бизга трансферлар керак, аммо мақсадларимизга эришиш учун бу масалада интизом ва изчилликни сақлашимиз керак", - деди испаниялик мутахассис Sky Sports билан суҳбатда.
