Франция чемпионатининг 19-туридан ўрин олган қатор учрашувлар 15 январь, якшанба куни бўлиб ўтди.

«ПСЖ» ушбу турда «Ренн» майдонига сафар қилди. Учрашувнинг биринчи бўлимида дарвозалар дахлсиз қолди. 65-дақиқада Амари Траоре майдон эгаларини олдинга олиб чиқди. Ушбу гол якунда ўйин тақдирини ҳал қилди.

Ваҳоланки, Месси ва Неймар баҳсни асосий таркибда бошлашган бўлса, Мбаппе 55-дақиқадан майдонга туширилганди.

Шу тариқа Париж жамоаси мавсумдаги иккинчи мағлубиятни қабул қилиб олди. Энди "ПСЖ" ва иккинчи ўриндаги "Ланс" ўртасидаги фарқ бор-йўғи 3 очкони ташкил қилмоқда. "Ренн" эса 37 очко билан 5-ўринга кўтарилди.

Лига 1, 19-тур
15 январь, якшанба
«Ренн» – «ПСЖ» 1:0
Гол: 1:0 – 65 Траоре.
«Ренн»: Манданда, Траоре, Родон, Ву, Теате, Трюффер (Мелинг, 76), Майер (Те, 89), Угошукву, Дуэ (Доку, 68), Гуири (Сулемана, 89), Калимуэндо (Ассинон, 76).
«ПСЖ»: Доннарумма, Мукиеле (Ҳакими, 56), Рамос, Данилу Перейра (Саншеш, 83), Маркиньос, Бернат, Витиня (Фабиан Руис, 72), Заир-Эмери (Солер, 72), Месси, Неймар, Экитик (Мбаппе, 55).