Лиссабоннинг “Бенфика” клуби “Айнтрахт” ярим ҳимоячиси ва Япония терма жамоаси футболчиси Даичи Камадага қизиқиш билдирмоқда.
Португалия клуби қишки трансфер ойнасида футболчини сотиб олиш вариантини кўриб чиқмоқда. Ярим ҳимоячини португал клуби арзон нархда олиши мумкин, чунки унинг клуб билан шартномаси 6 ойдан кейин тугайди. Аввалроқ футболчига Дортмунднинг "Боруссия" клуби қизиқаётгани ҳақида хабарлар тарқалган эди.
26 ёшли Камада жорий мавсумда “Айнтрахт” сафида барча турнирларда 22 та ўйинда майдонга тушиб, 12 та гол урди ва 4 та голли узатмани амалга оширди.













