"Рома" бош мураббийи Жозе Моуриньо мавсум охирида жамоасини тарк этиши мумкин.

Sky Italia нашри хабарига кўра, португалиялик мутахассисга "Рома" раҳбариятининг олиб бораётган сиёсати ёқмаяпти.

Эслатиб ўтамиз, Моуриньо "Рома"ни 2021 йилнинг ёзидан буён бошқариб келмоқда. Ўзининг биринчи мавсумида Моуриньо жамоага Конференциялар лигасида ғалаба қозонишга ёрдам берди, бу жамоа учун 2008 йилдан бери биринчи кубок бўлди.

Эндиликда "Рома" турнир жадвалида 4-ўриндаги жамоадан 3 очко кам жамғарган ҳолда, еттинчи ўринни эгаллаб турибди. Мавсум тикланганидан сўнг жамоа сўнгги тўртта ўйинда учта ғалабага эришди.