"Roma" bosh murabbiyi Joze Mourinyo mavsum oxirida jamoasini tark etishi mumkin.
Sky Italia nashri xabariga ko‘ra, portugaliyalik mutaxassisga "Roma" rahbariyatining olib borayotgan siyosati yoqmayapti.
Eslatib o‘tamiz, Mourinyo "Roma"ni 2021 yilning yozidan buyon boshqarib kelmoqda. O‘zining birinchi mavsumida Mourinyo jamoaga Konferensiyalar ligasida g‘alaba qozonishga yordam berdi, bu jamoa uchun 2008 yildan beri birinchi kubok bo‘ldi.
Endilikda "Roma" turnir jadvalida 4-o‘rindagi jamoadan 3 ochko kam jamg‘argan holda, yettinchi o‘rinni egallab turibdi. Mavsum tiklanganidan so‘ng jamoa so‘nggi to‘rtta o‘yinda uchta g‘alabaga erishdi.
