"Манчестер Юнайтед" ҳужумчиси Энтони Эланга қишда Дортмунднинг "Боруссия"сига ўтиши мумкин, деб хабар беради TalkSport. Немис клуби 20 ёшли шведни ижарага олишга тайёр.
Футболчига "Эвертон" ҳам қизиқмоқда. "Манчестер Юнайтед" ҳали ҳужумчининг жорий мавсумдаги имкониятлари борасида бир қарорга келмаган.
Эланга "Манчестер Юнайтед"да 2022 йилнинг январидан бери тўп суради. Жорий мавсумда у инглиз клуби сафида 14 та ўйинда майдонга тушиб, 1 та голли узатмани амалга оширган.
2022 йилнинг март ойида Эланга Швеция терма жамоасида дебют қилган.













