Юрген Клопп "Ливерпуль" бош мураббийлигидан кетиш ҳақида ўйламаяпти, деб ёзади журналист Флориан Плеттенберг.

Немис мутахассиси инглиз жамоаси раҳбарияти томонидан ҳам ҳар томонлама қўллаб-қувватланмоқда.

Юрген Клопп шогирдлари АПЛнинг 20-турида “Брайтон”дан мағлуб бўлди (0:3). Бунгача у Англия кубогида “Вулверхэмптон” билан дуранг ўйнаган (2:2), чемпионатда эса “Брентфорд”га имкониятни бой берган эди (1:3).

Мерсисайдликларнинг сўнгги ғалабаси ўтган йилнинг 30 декабрига тўғри келади - "Лестер" (2:1).

“Қизиллар” ҳозирда 18 турдан кейин 28 очко жамғарган ҳолда АПЛ турнир жадвалида 9-ўринда бормоқда.