"Вулверхэмптон" клуби "ПСЖ" ярим ҳимоячиси Пабло Сарабияни сотиб олишга рози бўлди, деб хабар беради The Athletic.
Париж клуби тахминан 4,5 миллион фунтлик таклифни қабул қилди. 30 ёшли Сарабия сешанба куни инглиз клубида тиббий кўрикдан ўтади.
Испаниялик футболчи "бўрилар" билан икки ярим йиллик шартнома имзолайди.
2022/23 йилги мавсумда испаниялик ярим ҳимоячи "ПСЖ" сафида турли турнирларда 18 та ўйин ўтказди. Уларда испаниялик футболчи иккита гол ва битта самарали узатмани амалга оширди.













