“Манчестер Юнайтед” ярим ҳимоячиси Алехандро Гарначо Европанинг яна икки гранди учун трансфер варианти бўлиб турибди. Журналист Мигель Деланининг хабар беришича, аргентиналик футболчининг шартномаси билан боғлиқ вазиятни “Реал” ва Туриннинг “Ювентус” клублари кузатмоқда.
Гарначонинг "қизил иблислар" билан шартномаси келаси мавсум охирида тугайди. "Манчестер Юнайтед" ҳозирда Алехандро билан шартномани узайтириш устида фаол ишламоқда.
Гарначо жорий мавсумда Эрик тен Хаг қўл остида кўпроқ ўйин амалиётига эга бўлмоқда. Аргентиналик футболчи ҳисобида Англия Премьер-лигасида битта гол ва иккита голли узатма бор.