"Манчестер Сити" ҳужумчиси Эрлинг Холанд 2023 йилги мақсадлари ҳақида гапирди. У Манчестер клубининг асосий футболчисига айланиш, шунингдек, Норвегия терма жамоаси билан ЖЧ-2026 йўлланмасини қўлга киритиш ниятида эканини таъкидлади.

"Манчестер Сити"даги мақсадим – Чемпионлар лигасида ғалаба қозониш. Норвегия жуда кичик давлат бўлиб, тахминан 5,5 миллион аҳолига эга. Аммо жаҳон чемпионати пайтида кичик давлатлар жамоалари қандай фантастик ишларни амалга ошираётганини кўришингиз мумкин. Биз 2026 йилги жаҳон чемпионатига чиқишга умид қиламиз", — деди Холанд.

Футболчи 21 та гол билан Премьер-лига тўпурарлар пойгасида пешқадамлик қилмоқда.

ЖЧ-2026'га саралаш 2023 йил март ойида бошланади ва 2025 йил ноябрида тугайди.