Ижтимоий тармоқларда Жиззахда туғилган болага "MBAPPE" деб исм қўйилганлиги ҳақида фотохабарлар тарқатилмоқда.
Адлия вазирининг матбуот котиби Севара Ўринбоеванинг маълум қилишича, вазирлик томонидан ушбу ҳолат ўрганиб чиқилганда ижтимоий тармоқларда тарқатилган хабарлар ёлғон эканлиги, болага бундай исм қўйилмаганлиги аниқланди.
Маълумот тариқасида, болага исм унинг келгусидаги манфаатларидан келиб чиққан ҳолда берилади, келгусида унинг шаъни ва қадрига салбий таъсир қилиши мумкин бўлган исм берилишига йўл қўйилмайди.