"Манчестер Сити" "Наполи"нинг грузиялик футболчиси Хвича Кварацхелияга эътибор қаратмоқда, деб хабар беради Daily Mail.
Манба берган хабарга кўра, футболчи тўп билан ўйинда қўрқмас услуби ва жозибадорлиги туфайли А Серия ва Чемпионлар лигасининг жорий мавсумидаги ўйини билан инглиз клубининг эътиборини тортган.
Кварацхелия “Наполи” сафида 2022 йилнинг ёзидан буён тўп суради. Унинг клуб билан амалдаги шартномаси 2027 йилнинг июнигача мўлжалланган.
Жорий мавсумда 21 ёшли грузиялик неаполликлар сафида 20та ўйин ўтказиб, 9та гол урди ва 12та голли узатмани амалга оширди. Transfermarkt порталига кўра футболчининг нархи 60 миллион еврога баҳоланмоқда.
