Швейцариялик машҳур дарвозабон Ян Зоммер «Боруссия Мёнхенгладбах»дан «Бавария»га ўтди. Бу ҳақда «Бавария» клуби матбуот хизмати хабар берди.
Зоммернинг шартномаси 2025 йилнинг ёзига қадар мўлжалланган. Кипер аллақачон «қизиллар» лагерида асосий машғулотларни ўтказмоқда.
«Бавария» Мануэль Нойернинг оғир жароҳати туфайли дарвозабонлик позициясини мустаҳкамлашга мажбур бўлди. Мануэль чанғи учиб юрган кезида оёғини жиддий жароҳатлаган.














